பொருள் கூறு
- கொற்கை – பாண்டிய நாட்டின் துறைமுகம்
- தென்னம் பொருப்பு – தென்பகுதியில் உள்ள பொதிகைமலை
- பலியோடு படரா – மறநெறியில் செல்லாத
- அடர்த்துஎழு குருதி - வெட்டப்பட்ட இடத்தினின்றும் பீறிட்டு எழும் செந்நீர்
- பசுந்துணி – பசிய துண்டம்
- தடக்கை – நீண்ட கைகள்
- அறுவற்கு இளைய நங்கை – பிடாரி
- இறைவனை ஆடல் கண்டருளிய அணங்கு - இறைவனை நடனமாடச் செய்த காளி
- கானகம் – காடு
- உகந்த – விரும்பிய
- தாருகன் – அரக்கன்
- பேர்உரம் கிழித்த பெண் - அகன்ற மார்பினைப் பிளந்த துர்க்கை
- செற்றம் – கறுவு
- செயிர்த்தனள் - சினமுற்றவள்
- பொற்றொழில் சிலம்பு - வேலைப்பாடுமிக்க பொற்சிலம்பு
- கடையகத்தாள் - வாயிலின் முன்னிடத்தாள்
- நீர்வார்கண் - நீரொழுகும் கண்கள்
- தேரா – ஆராயாத
- எள்ளறு - இகழ்ச்சி இல்லாத
- இமையவர் - தேவர்
- புள் – பறவை
- புன்கண் – துன்பம்
- கடைமணி - அரண்மனை வாயில்மணி
- ஆழி – தேர்ச்சக்கரம்
- ஏசா -பழியில்லா
- கோறல் - கொல்லுதல்
- கொற்றம் - அரச நீதி
- நற்றிறம் - அறநெறி
- படரா – செல்லாத
- வாய்முதல் – உதடு
- மடக்கொடி – அன்மொழித்தொகை
- தேரா மன்னா, ஏகாச் சிறப்பின,; படராப் பஞ்சவ, அடங்காப் பசுந்துணி– ஈறுகெட்ட எதிர்மறைப் பெயரெச்சம்
- தடக்கை – உரிச்சொற்றொடர்
- புன்கண், பெரும்பெயர,அரும்பெறல், பெருங்குடி, கடுங்கோல், செங்கோலன், நன்மொழி– பண்புத்தொகை
- உகுநீர், சூழ்கழல், செய்கொல்லன் – வினைத்தொகை
- அவ்வூர் – சேய்மைச்சுட்டு
- வாழ்தல் – தொழிற்பெயர்
- என்கால் என்பெயர், நின்னகர், என்பதி – ஆறாம் வேற்றுமைத்தொகை
- புகுந்து – வினையெச்சம்
- தாழ்ந்த, தளர்ந்த – பெயரெச்சம்
- வருக, தருக, கொடுக – வியங்கோள் வினைமுற்று
- எள்ளறு = எள் + அறு
- புள்ளுறு = புள் + உறு
- அரும்பெறல் = அருமை + பெறல்
- பெரும்பெயர் = பெருமை + பெயர்
- அவ்வூர் = அ + ஊர்
- பெருங்குடி = பெருமை + குடி
- புகுந்தீங்கு = புகுந்து + ஈங்கு
- பெண்ணணங்கு = பெண் + அணங்கு
- நற்றிறம் = நன்மை + திறம்
- காற்சிலம்பு = கால் + சிலம்பு
- செங்கோல் = செம்மை + கோல்
நூலெழுந்த வரலாறு:
- சேரன் செங்குட்டுவன், சீத்தலைச்சாத்தனாரோடும் இளங்கோவடிகளோடும் மலைவளம் காணச் சென்றான்.
- அங்கிருந்த மலைவாழ் மக்கள், “வேங்கை மரத்தின்கீழ் ஒரு பெண் தெய்வத்தைப் பார்த்தோம்” என்று கூற, உடனிருந்த பெரும்புலவர் ‘அப்பெண்ணின் வரலாற்றை யானறிவேன்” என்று கோவலன் கண்ணகி வரலாற்றைச் சுருக்கமாகக் கூறினார்.
- அதனைக் கேட்ட இளங்கோவடிகள், “இக்கதையைச் சிலப்பதிகாரம் என்னும் பெயரால் யாம் இயற்றுவோம்” என்று கூறினார்.
- சாத்தனாரும், “அடிகள் நீரே அருளுக” என்றார்.
- அரசியல் பிழைத்தோருக்கு அறம் கூற்றாகும்
- உரைசால் பத்தினியை உயர்ந்தோர் ஏத்துவர்
- ஊழ்வினை உருத்துவந்து ஊட்டும்
- சிலம்பு + அதிகாரம் = சிலப்பதிகாரம்
- கண்ணகியின் சிலம்பால் விளைந்த கதையை முதன்மையாகக் கொண்டது ஆதலின், சிலப்பதிகாரமாயிற்று.
- இக்காப்பியம் புகார்க்காண்டம், மதுரைக்காண்டம், வஞ்சிக்காண்டம் என்னும் முப்பெரும் காண்டங்களையும் முப்பது காதைகளையும் உடையது.
- புகார்க்காண்டம் = 10 காதை
- மதுரைக்காண்டம் = 13 காதை
- வஞ்சிக்காண்டம் = 7 காதை
- இக்காப்பியம் “உரையிடை இட்ட பாட்டுடைச்செய்யுள்” என அழைக்கப்படுகிறது.
- முதற் காப்பியம், முத்தமிழ்க் காப்பியம், குடிமக்கள் காப்பியம், ஒற்றுமைக் காப்பியம், நாடகக் காப்பியம் எனச் சிலப்பதிகாரத்தைக் போற்றிப் புகழ்வார்.
- “நெஞ்சையள்ளும் சிலப்பதிகாரம் என்றோர் மணியாரம் படைத்த தமிழ்நாடு” எனப் பாரதியார் புகழ்கிறார்.
- வழக்குரைக் காதை மதுரைக்கான்டத்தின் பத்தாவது காதை.
- “இசை நாடகமே” சிலப்பதிகாரக் கதையின் உருவம்.
No comments:
Post a Comment