நந்திக் கலம்பகம் - 10 ஆம் வகுப்பு சமச்சீர் பாடம்

பதிதொறு புயல்பொழி தருமணி பணைதரு 

      பருமணி பகராநெற்

கதிர்தொகு வருபுனல் கரைபொரு திழிதரு 

      காவிரி வளநாடா

நிதிதரு கவிகையும் நிலமக ளுரிமையும் 

      இவைஇவை யுடைநந்தி

மதியிலி யரசர்நின் மலரடி பணிகிலர்   

      வானகம் ஆள்வாரே

சொற்பொருள்:

• புயல் – மேகம்
• பனண – மூங்கில்
• பகரா – கொடுத்து
• பொருது – மோதி
• நிதி – செல்வம்
• புனல் – நீர்
• கவிகை – குடை
• வானகம் - தேவருலகம்

இலக்கணக்குறிப்பு:

• பொழிதருமணி – வினையெச்சம்
• வருபுனல் – வினையெச்சம்
• நிதிதருகவிகை – வினையெச்சம்
• இவை இவை - அடுக்குத்தொடர்

நூல் குறிப்பு:

• ஆசிரியர் பெயர் தெரியவில்லை.
• பல்லவ மன்னன் மூன்றாம் நந்திவர்மனை பாட்டுடைத் தலைவனாக கொண்டது இந்நூல்.
• கலம்பக நூல்களில் இதுவே முதல் நூல்.
• கலம்பகம் என்பது 96 வகை சிற்றிலக்கியங்களுள் ஒன்று.
• பலவகைப் பொருள்களைப் பற்றிப் பாடல்களைக் கலந்து இயற்றப்பெரும் நூல் கலம்பகம்.
• கலம்பகம் பதினெட்டு உருபுகளை கொண்டது.
• (புயவகுப்பு, அம்மானை, கார், ஊசல், இரங்கல், மறம், தழை, தவம், சித்து, பாண், கைக்கிளை, தூது, வண்டு, குறம், காலம், மாதங்கி, களி, சம்பிரதம்)