பொருள் இலக்கணம்

• பொருள் என்பது ஒழுக்கமுறை. அறவழியில் பொருளீட்டிப் பல்லாரோடு பகுத்துண்டு வாழும் வாழ்வியல் நெறிமுறைகளைப் பல்லாயிரம் ஆண்டுகளுக்கு முன்பே போற்றிக் காத்தவர், தமிழர்.
• பொருளிலக்கணம் அகம், புறம் என இருவகைப்படும்.

அகப்பொருள்:

• அன்புடைய தலைவன் தலைவி பற்றிய ஒழுக்கத்தினைக் கூறுவது அகத்திணை எனப்படும்.
• குறிஞ்சி, முல்லை, மருதம், நெய்தல், பாலை, கைக்கிளை, பெருந்தினண என அகத்திணைகள் எழுவகைப்படும்.
• அவற்றுள் முதலைந்தும் அன்பின் ஐந்திணை என்று வழங்கப்படும்.
• அகப்பொருளுக்குரிய பொருள்கள் முதற்பொருள், கருப்பொருள், உரிப்பொருள் என்பன.

முதற்பொருள்:

• அகவொழுக்கம் நிகழ்தற்குக் காரணமான நிலமும் பொழுதும் முதற்பொருள் எனப்படும்.

நிலம் ஐவகைப்படும்.
ஐவகை நிலங்கள்
1. குறிஞ்சி - மலையும் மலைசார்ந்த இடமும்
2. முல்லை - காடும் காடு சார்ந்த இடமும்
3. மருதம் - வயலும் வயல்சார்ந்த இடமும்
4. நெய்தல் - கடலும் கடல்சார்த்த இடமும்
5. பாலை - மணலும் மணல்சார்ந்த இடமும்.
பொழுது பெரும்பொழுது, சிறுபொழுது என இருவகைப்படும்.
பெரும்பொழுது (ஓராண்டின் ஆறு கூறுகள்)
1. கார்காலம் - ஆவணி, புரட்டாசி
2. குளிர்காலம் - ஐப்பசி, கார்த்திகை
3. முன்பனிக்காலம் - மார்கழி, தை
4. பின்பனிக்காலம் - மாசி, பங்குனி
5. இளவேனிற்காலம் - சித்திரை, வைகாசி
6. முதுவேனிற்காலம் - ஆனி, ஆடி.
சிறுபொழுது (ஒருநாளின் ஆறு கூறுசுள்)
1. காலை - காலை 6 மணிமுதல் 10 மணிவரை
2. நண்பகல் - காலை 10 மணிமுதல் 2 மணிவரை
3. எற்பாடு - பிற்பகல் 2 மணிமுதல் 6 மணிவரை
4. மாலை - மாலை 6 மணிமுதல் இரவு 10 மனரிவரை
5. யாமம் - இரவு 10 மணிமுதல் இரவு 2 மணிவரை
6. வைகறை - இரவு 2 மணிமுதல் காலை 6 மணிவரை.
(எற்பாடு - எல்+ பாடு. எல் - ஞாயிறு, பாடு - மறையும் நேரம்.)
திணையும் பொழுதும்

நிலம் (அல்லது)திணை சிறுபொழுது பெரும்பொழுது குறிஞ்சி யாமம் கூதிர், முன்பனி பாலை நண்பகல் வேனில், பின்பனி முல்லை மாலை கார் மருதம் வைகறை கார்காலம் முதலான ஆறும் உரியன. நெய்தல் எற்படு காலை (சூரியன் மறையும் நேரம்) கார்காலம் முதலான ஆறும் உரியன.

கருப்பொருட்கள்

குறிஞ்சியின் கருப்பொருட்கள்:

கடவுள்	முருகக்கடவுள்
மக்கள்	பொருப்பன், வெற்பன், சிலம்பன், குறத்தி, குறவன், கொடிச்சி, வேம்பன், கானவர்
புள்	கிளி, மயில்
விலங்கு	புலி, கரடி, யானை
ஊர்	சிறுகுடி
நீர்	அருவி நீர், சுனை நீர்
பூ	வேங்கை, குறிஞ்சி, காந்தள், குவளை
மரம்	ஆரம் (சந்தனம்), தேக்கு, அகில்ம் அசோகம், நாகம், மூங்கில்
உணவு	மலைநெல், மூங்கில் அரிசி, தினை
பறை	தொண்டகப்பறை
யாழ்	குறிஞ்சி யாழ்
பண்	குறிஞ்சிப்பண்
தொழில்	வெறியாடல், மலைநெல் விதைத்தல், தினைப்புனம் காத்தல், தேன் அழித்தல், நெல் குற்றுதல், கிழங்கு எடுத்தல், அருவி மற்றும் சுனை நீர் ஆடல்

பாலையின் கருப்பொருட்கள்:

கடவுள்	கொற்றவை (துர்க்கை)
மக்கள்	விடலை, காளை, மீளி, எயினர், எயிற்றியர், மறவர், மறத்தியர்
புள்	புறா, பருந்து, எருவை, கழுகு
விலங்கு	செந்நாயும் வலிமை அழிந்த யானை, புலி
ஊர்	குறும்பு
நீர்	நீரில்லாகுழி, நீரில்லாகிணறு
பூ	குரா, மரா, பாதிரி
மரம்	உழிஞை, பாலை, ஓமை, இருப்பை
உணவு	வழிப்பறி பொருள், பதியில் கவர்ந்த பொருள்
பறை	துடி
யாழ்	பாலை யாழ்
பண்	பாலைப்பண்
தொழில்	வழிப்பறி

முல்லையின் கருப்பொருட்கள்:

கடவுள்	மாயோன் (திருமால்)
மக்கள்	குறும்பொறை நாடன், தோன்றல், மனைவி, கிழத்தி, இடையர், இடைச்சியர், ஆயர், ஆய்ச்சியர், பொதுவர், பொதுவியர், கோவலர்
புள்	காட்டுக்கோழி
விலங்கு	மான், முயல்
ஊர்	பாடி, சேரி, பள்ளி
நீர்	குறுஞ்சுனை நீர், கான்யாற்று நீர் (காட்டாறு)
பூ	குல்லை, முல்லை, பிடவம், தோன்றிப்பூ
மரம்	கொன்றை, காயா, குருந்தம்
உணவு	வரகு, சாமை, முதிரை
பறை	ஏறுகோட்பறை
யாழ்	முல்லை யாழ்
பண்	முல்லைப்பண்
தொழில்	சாமை விதைத்தல், வரகு விதைத்தல், அவற்றின் களை கட்டல் மற்றும் அரிதல், கடா விடுதல், கொன்றை குழல் ஊதல், ஆவினம் மேய்த்தல், கொல்லேறு தழுவல், குரவை கூத்தாடல், கான்யற்று நீராடல்.

மருதத்தின் கருப்பொருட்கள்:

கடவுள்	வேந்தன் (இந்திரன்)
மக்கள்	மள்ளர், ஊரன், மகிழ்நன்,கிழத்தி, மனைவி, உழவர், உழத்தியர், கடையர், கடைசியர்
புள்	வண்டானம், மகன்றில், நாரை, அன்னம், பெருநாரை, கம்புள், குருகு, தாரா.
விலங்கு	எருமை, நீர்நாய்
ஊர்	பேரூர், மூதூர்
நீர்	ஆற்று நீர், கிணற்று நீர்
பூ	தாமரை, கழுனீர்
மரம்	காஞ்சி, வஞ்சி, மருதம்
உணவு	செந்நெல் அரிசி, வெண்ணெல் அரிசி
பறை	நெல்லரிகிணை, மணமுழவு
யாழ்	மருத யாழ்
பண்	மருதப்பண்
தொழில்	விழாச்செய்தல், வயற்களைகட்டல், நெல் அரிதல், கடாவிடுதல், குளம் குடைதல், புது நீராடல்

நெய்தலின் கருப்பொருட்கள்:

கடவுள்	வருணன்
மக்கள்	சேர்ப்பன், புலம்பன், பரத்தி, நுழைச்சி, கொண்கண், துறைவன், நுளையர், நுளைச்சியர், பரதர், பரத்தியர், அளவர், அளத்தியர்
புள்	கடற்காகம், அன்னம், அன்றில்
விலங்கு	சுறா, உமண் பகடு
ஊர்	பாக்கம், பட்டினம்
நீர்	உவர்நீர் கேணி, மணற்கேணி
பூ	நெய்தல், தாழை, முண்டகம், அடம்பம்
மரம்	கண்டல், புன்னை, ஞாழல்
உணவு	மீனும் உப்பும் விற்று பெற்றவை
பறை	மீன்கோட்பறை, நாவாய் பம்பை
யாழ்	விளரி யாழ்
பண்	செவ்வ்வழிப்பண்
தொழில்	மீன்பிடித்தல், உப்பு விளைத்தல், மீன் உணக்கல், பறவை ஓட்டுதல், கடலாடுதல்