Tnpsc Tamil Notes: முதுமொழிக்காஞ்சி - 7 ஆம் வகுப்பு சமச்சீர்

16 September, 2014

சிறந்த பத்து

1.ஆர்கலி உலகத்து மக்கட்கு எல்லாம் -
ஓதலின் சிறந்தன்று, ஒழுக்கம் உடைமை.

ஓசையினை உடைய கடல் சூழ்ந்த உலகத்தில் உள்ளவர்கள் எல்லாம் ஒழுக்கத்துடன் இருப்பது சிறந்ததாகும்.

2. காதலின் சிறந்தன்று, கண் அஞ்சப்படுதல்.

பிறர் அன்பு பாராட்டும்படி நடத்தலை விட அவர் மதிக்கும்படி நடத்தல் மேலானது.

3. மேதையின் சிறந்தன்று, கற்றது மறவாமை.

புதிதாக ஒன்றை அறிந்துகொள்வதை விட கற்றதை நினைவில் வைத்திருப்பது மேலானது.

4. வண்மையின் சிறந்தன்று, வாய்மை உடைமை.

செல்வத்தினும் சிறப்புடையது உண்மை வாழ்க்கையாகும்.
5. இளமையின் சிறந்தன்று, மெய் பிணி இன்மை.

நோயில்லாமல் இருத்தல் இளமையினும் சிறப்பானது.

6. நலன் உடைமையின் நாணுச் சிறந்தன்று.

அழகைக் காட்டிலும் வெட்கம் சிறப்பானது.

7. குலன் உடைமையின் கற்புச் சிறந்தன்று.

உயர்ந்த குலத்தைக் காட்டிலும் கல்வி மேன்மையானது.

8. கற்றலின் கற்றாரை வழிபடுதல் சிறந்தன்று.

கற்றலை விடக் கற்றாரை வழிபட்டொழுகுதல் மேலானது.

9. செற்றாரைச் செறுத்தலின் தற் செய்கை சிறந்தன்று.

பகைவரை வெல்லுவதைவிட தன்னை மேம்படுத்திக் கொள்வது சிறப்பானது.

10. முன் பெருகலின் பின் சிறுகாமை சிறந்தன்று.

செல்வம் பெருகி அழிவதைவிட, பெருகாமல் நிலையாக இருத்தல் நன்று.

சொற்பொருள்:

ஆசிரியர் குறிப்பு:

பெயர்: மதுரை கூடலூர் கிழார்
பிறந்த ஊர்: கூடலூர்
சிறப்பு: இவர் தம் பாடல்களை நச்சினார்க்கினியர் முதலிய நல்லுரையாசிரியர்கள் மேற்கோள்களாக கையாண்டுள்ளர்கள்.
காலம்: சங்க காலத்திற்குப்பின் வாழ்ந்தவர்.

நூல் குறிப்பு:

முதுமொழிக்காஞ்சி என்பது காஞ்சித்திணையின் துறைகளுள் ஒன்று.
இந்நூல் பதினெண்கீழ்க்கணக்கு நூல்களுள் ஒன்று.
இந்நூலை அறவுரைக்கோவை எனவும் கூறுவர்
இந்நூலில் பத்து அதிகாரங்களும், அதிகாரத்திற்கு பத்துச் செய்யுள் வீதம் நூறு பாடல்களும் உள்ளன.